MAKASSAR
Raden dewi sartika iyamintu sala sekrenna pahlawang niaka ri indonesia. Dewi sartika nilaksukkangi ri cicalengka kabupateng bandung, tanggalak appak (4) desember, taung sisakbu lapang bilangngang lapang pulo ngappa (1884). Manggena niarengi Raden Somanagara. Ammakna niarengi Nyi Raden Ayu Rajapermas.
Raden Dewi Sartika Caddi caddi inji na niak memangmo panngainna Mae ri pappilajarranga. Tau toana ampawwangangi antekamma Anjo pappilajarranga, Mannamo Tena na ajjulu pandapa siagang tau akkamponga punna Baine assikola ri jammang riolo. ri nasaba caraddena ammaca siagang annulisi, sikarepaki na ajara agang- agang bainena ri kampongna.
Ri wattunna tanggalak sampulo ngannang (16) Januari taung sisakbu salapang bilangngangna appa (1904), Dewi Sartika appaentengi sikola baine ri Bandung. Anne sikolayya, sikola nomoro se're ni paenteng siagang sikola paling toa ri Indonesia. Anrinnimi Anne ri sikolayya niajara tau bainea ammaca, annulisi, siagang arrekeng. Niajara Tompi pole anjai'.
Raden dewi sartika Tena na lebba akkunraring rilalanna anngajarri sininna tau bainea nasaba nakillai Anjo sininna tau bainea gassingi, nakullei na tallassi kalenna Tena na panrannuanngi tallasana ri buranea.
Carita katallassanna Raden Dewi Sartika sannaki napassumangaki tau baibainea sollanna na assikola tinggi. Ia minne nipasabbakkang kamma-kamma Anne tau bainea assijajarami tau buranea, lanri kammanami Anjo tau bainea akkullemi assikola tinggi sanggena narapi cita-cita Anjo nakerokia.
Enable comment auto-refresher